OPPA Coffee Bar Restaurant

同阿女出尖沙咀逛逛，年青人總有特別主意，今次去韓國街揾嘢食，上網睇睇，OPPA 唔錯。呢度唔單止真的有韓哥哥，一步入食店便有靚靚韓妹妹上前招呼，笑容甜美親切可愛，全部侍應都是韓國人，大家可以用英文溝通。海鮮蛋漿熔岩炒飯~首先由韓哥哥送上鐵板炒飯及蛋漿，然後佢會親自把蛋漿倒入鐵板及飯上面，再平均地灑上芝士，繼而用火槍把芝士燒溶，這個情境都幾驚險，火勢可以好猛烈，韓哥哥好勇敢啊！待芝士完全溶掉之後，便與炒飯撈起，整個過程韓哥哥都仔細用心炮製，欣賞！炒飯少少辣，一絲絲芝士令人垂涎欲滴，粒粒飯沾滿汁同蛋漿，非常惹味。泡菜芝士紫菜包飯~我同阿女都鍾意食韓式紫菜卷，這個份量好大，共有十大件，材料有芝士、泡菜、蛋及蘿蔔絲，唔會好辣，美味。卡邦拿無骨炸雞(半份)~卡邦拿呢個味道配炸雞幾有特色，個汁有椒絲、蘑菇及洋蔥，仲有一些新鮮炸起嘅薯條，炸雞嘅炸漿唔會好厚，雞肉醃得夠味，好滑，無骨啖啖肉，愈食愈可口。基本上這食店嘅客流量都多，也有外國人幫襯，keep住full full地，門外等嘅食客都願意等一陣，好快有位。