49
23
5
等級2
8
0
2019-07-12 0 瀏覽
係附近上完興趣班,就同左班朋友黎食車仔麵,我地就分別叫左2個4餸麵同埋1個3餸麵,1. 菜肉燕餃+懷舊牛腩+蘿蔔+芝心丸+蝦子麵($52)、2. 菜肉燕餃+咖喱麵筋+蘿蔔+墨魚丸+紅菜頭麵($52)、3. 咖喱魷魚+魚皮餃+蘿蔔+湯飯($39)。牛腩應該係牛筋腩,無渣唔韌,蘿蔔好入味,好淋而且無渣,強烈推薦,菜肉燕餃比想像中細粒,仲細粒過粒丸,但包得好實淨,味道唔錯,但可惜既係其中一粒有豬骨碎,好感度下降,芝心丸唔知係咪煮得太耐,煮到入面既芝士熔晒,冇左平時拉絲既口感,蝦子麵煮得剛剛好,唔淋唔硬,口感剛剛好間鋪標榜住無味精豬骨湯底,但唔知係咪因爲揀左腩汁,所以豬骨湯味唔濃,感覺唔到有咩特別,只係覺得冇平時個d車仔麵湯咁鹹,味道清d,所以想試真d佢地個湯底既就記住唔好揀其他xx汁!墨魚丸同普通既墨魚丸無咩太大分別,咖哩麵筋咖哩味濃,所以連個湯底都充滿咖哩味,紅菜頭麵味道清淡,紅菜頭味唔突出,岩晒想食有特色d而且又健康d蔬菜麵既人,口感方面就同蝦子麵差不多,都係彈牙得黎唔算太淋/太硬魚皮餃同普通既魚皮餃無咩分別,但咖哩魷魚就唔錯,都算彈牙,而且咖哩味都濃,至於個湯飯d飯就比較硬,而且個湯俾
更多
係附近上完興趣班,就同左班朋友黎食車仔麵,我地就分別叫左2個4餸麵同埋1個3餸麵,1. 菜肉燕餃+懷舊牛腩+蘿蔔+芝心丸+蝦子麵($52)、2. 菜肉燕餃+咖喱麵筋+蘿蔔+墨魚丸+紅菜頭麵($52)、3. 咖喱魷魚+魚皮餃+蘿蔔+湯飯($39)。
0 瀏覽
0 讚好
0 留言
0 瀏覽
0 讚好
0 留言
牛腩應該係牛筋腩,無渣唔韌,蘿蔔好入味,好淋而且無渣,強烈推薦,菜肉燕餃比想像中細粒,仲細粒過粒丸,但包得好實淨,味道唔錯,但可惜既係其中一粒有豬骨碎,好感度下降,芝心丸唔知係咪煮得太耐,煮到入面既芝士熔晒,冇左平時拉絲既口感,蝦子麵煮得剛剛好,唔淋唔硬,口感剛剛好
間鋪標榜住無味精豬骨湯底,但唔知係咪因爲揀左腩汁,所以豬骨湯味唔濃,感覺唔到有咩特別,只係覺得冇平時個d車仔麵湯咁鹹,味道清d,所以想試真d佢地個湯底既就記住唔好揀其他xx汁!


0 瀏覽
0 讚好
0 留言

墨魚丸同普通既墨魚丸無咩太大分別,咖哩麵筋咖哩味濃,所以連個湯底都充滿咖哩味,紅菜頭麵味道清淡,紅菜頭味唔突出,岩晒想食有特色d而且又健康d蔬菜麵既人,口感方面就同蝦子麵差不多,都係彈牙得黎唔算太淋/太硬

0 瀏覽
0 讚好
0 留言

魚皮餃同普通既魚皮餃無咩分別,但咖哩魷魚就唔錯,都算彈牙,而且咖哩味都濃,至於個湯飯d飯就比較硬,而且個湯俾咖哩魷魚既咖哩味影響晒,搞到原本想食豬骨湯飯變成左食咖哩湯飯,味道好似係好稀既咖哩飯味咁,所以就建議食飯,個湯都係同麵食比較匹配!


因為揀4餸就可以跟餐有半價野飲,所以我地就加左凍奶茶($9)同埋豆漿($6)。奶菜凍得黎冇冰,唔會令到味道變淡
而且味道好香滑,勁似絲襪奶茶既味道,強烈推介!至於豆漿,豆味都尚算濃,而且唔算太淡或者太甜,總括而言都尚可,唔算特別好飲,但都唔難飲。
0 瀏覽
0 讚好
0 留言
0 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食