金記冰室 (置富南區廣場) (已結業)

趁有時間一朝早帶大帝去左薄扶林道拜下佢叔公，拜完見有37B巴士去置富就去左置富搵食，食個lunch先番屋企。見到金記之前未食過就去試下， 當時正值午飯時間都好多人食。叫左鮮茄濃汁焗豬扒飯，芝士焗肉醬意粉，牛肉通粉，熱檸檬菜蜜同無冰奶茶焗肉醬意粉睇落唔夠汁，但食落足夠有餘，如果多少少芝士就好喇。鮮茄濃汁焗豬扒飯我無試但先生食晒應該唔差，濃湯牛肉通粉餐有煎雙蛋同油多，油多烘得香脆幾好味，通粉唔會好咸大帝幾鐘意食。熱檸檬菜蜜幾濃，唔會淡茂茂無冰奶茶好飲，茶味同甜味適中，茶膽唔會澀。餐廳內部都裝修到好似船咁，有繩網，船舵等裝飾幾特別。