大頭蝦餐廳

營業中

休息中

中午時份，西環一帶嘅食肆都唔算多人，所以餐廳之間嘅競爭都幾大，而我今日食嘅呢一間都應該好快會被淘汰。首先，我揀咗一碗香茅豬扒冬蔭功湯檬。冬蔭功個精粹在於湯底，但係呢一碗湯粉味道只係得中式嘅辣味，連丁點嘅泰式酸辣味都無......我極其量只可以叫呢一碗湯粉係豬扒辣檬，個湯底徒擔冬蔭功虛名。價錢方面，當時落單我已經問店員係咪免費配埋野飲，佢話係；而餐牌亦係咁寫。但到最後埋單都係加咗我$3，真係無言。惟一可取之處係環境算企理闊落，白色裝修令人耳目一新。但追求味道為主嘅朋友，就唔需要嚟呢一間食店了。