Davinci Cook

有狗，一向都唔介意坐室外，但係炎熱嘅夏天每一間有室外嘅餐廳都一定具備風扇或者風機等設備，但係這間餐廳只有一把風扇和一部完全冇冷風出的風機，成餐飯個幾鐘好似坐係個焗爐入邊食咁，眼見室內冷氣超大。問個女仔拎個冰底，可能佢見我個剛剛到嘅朋友有罐汽水喺度，就喺裏面拎個冰底出嚟但係加咗水，好似係驚我哋攞個冰底嚟飲汽水咁，只不過係佢提供嘅凍水已經變咗做暖水，只係想d水變返凍啲啫！
另外叫咗個意粉，開頭係叫龍蝦汁嗰個即係相中粉紅圈嗰個，點知佢嚟咗個櫻花蝦意粉，跟住個超冇禮貌嘅肥姨姨問我地介唔介意食呢一個，但睇睇個餐牌原來係雙重芝士，因為小朋友真係食唔到咁濃嘅芝士味，咁同佢講唔得我哋要叫返本身嗰個，跟住佢同我講入去整過個新嘅俾我，等左好耐終於拎左個龍蝦汁意粉出嚟，但係個又無禮貌既肥姨姨同我地講「因為你有小朋友，我幫你個意粉走咗黑椒同埋走咗芝士」嗰一刻真係好嬲，你走任何野之前有冇諗過問下我意見先幫我走，之後終於都明白點解會幫我走芝士，因為佢係將本身嗰個櫻花蝦意粉轉做個龍蝦汁意粉，因為意粉裏面有大量櫻花蝦⋯這間餐廳真係無信用無質素可言！唔會再黎食，又貴又無質、無誠意、無禮貌！