川味雞烤魚大王 (大河道)

鋪頭面積較細，好處係開得比較夜，可以來食宵夜。

酸菜烤魽魚
湯底味道充滿蒜蓉香味，叫左少辣，真係微微辣，恰到好處唔會太霸道。味道溫和得來又幾惹味。
條魚係煎過嚟，魚皮帶有煎過嘅香味同口感。魚肉好嫩滑啖啖肉，易食冇咩骨。整體嚟講條魚係好味嘅。

1

酸菜烤魽魚

牛肉：一般打邊爐本地牛頸脊嘅質地，不過唔算好嫩滑。

牛肉

小食

炸墨魚片：
口感爽彈，有墨魚粒粒口感，好味。

炸墨魚片

撈粉皮 & 撈海蜇 & 撈皮蛋 ：
麻辣撈嘅味道，醬汁味道差唔多，惹味得來又唔太辣，唔錯。

撈粉皮

1

撈海蜇

撈皮蛋

❌串燒類：

嗌咗頗多唔同嘅串燒，有牛舌、牛肉、羊肉、香腸、雞翼等等。全部都係一樣味嘅。全部都係充滿孜然粉嘅味道，幾鹹。而且所有食品都炸得好乾。冇咩係好味。串燒類唔推介。

串燒類

整體來講，呢間嘅烤魚同小食係好味到可以再來嘅程度，但串燒就唔推介啦。希望餐廳有緣睇到可以改善下。