汀汀烤活魚 (已結業)

成日行去搭東鐵都都會經過依間餐廳，但就未食過。依輪都成日聽到有朋友話要食酸菜魚，今次就決定約埋朋友一齊去試下依間烤活魚，因為地點實在係方便。 約左朋友平日既7點黎到，好彩都有訂枱，因為都幾多人黎食。睇反個menu，雖然佢舖頭係叫汀汀烤活魚，但除左活魚之外，仲有雞煲既。不過因為之前都話想試活魚既關係，所以都係揀魚先，下次先再試雞煲。 我地兩個人就選了烤鉗魚鍋，268元，然後追加了18元，選了麻辣酸菜味湯底，小辣。之後再追加了火鍋配料，有花雕醉雞件，68元，自家鮮蝦雲吞，有8粒，48元，油麥菜，32元及韓國傳統面，16元。飲品就點了王老吉。 大約等了十分鐘，鉗魚鍋就來了，侍應示意話等湯滾了就可以食。等左一陣就起筷了，魚烤得很香，皮脆，魚肉夠滑，而我們點了小辣，辣度對我們來說剛好，加埋一些酸菜吃真係幾正，夠惹味。 食完條魚之後就加湯打邊爐，個花雕醉雞件都有驚喜，好重花雕味，雞肉都好嫩滑，但就要留意因為個鍋唔係好深的關係，要等一陣先熟。 跟住就仲有自制雲吞，同埋油麥菜。個人比較喜愛打邊爐食油麥菜，因為可以吸收D 湯味。最後食埋個韓國面，又係吸左D 湯，而且煲完又夠淋，打邊爐絕配。埋單一個人二百