夫妻沸片-台式麻辣火鍋 (已結業)

夏天又黎啦，但依然無阻火鍋精朋友約親我食飯都係要去食火鍋既心😂😂😂呢日約左佢係mk食晏之後先返工，佢就話不如陪佢去試間新開無耐既台式火鍋，佢話知道午市有set會抵食D😆😆午市套餐HKd$308+10%，包左鍋底、多款食材、飲品同甜品，睇落相當豐富，即使係兩個人都可以試到好多款食物♬♬♬套餐包左兩罐汽水，但加13蚊就可以轉飲台式特飲/茶飲，我同朋友分别轉左飲“芒果青桔梳打”同“御翠烏龍珍珠奶茶”♪♪兩杯飲品都好大杯，我既梳打好解渴，朋友話佢杯珍奶茶底超濃，呢13蚊好值得加！！！因為朋友係麻辣人仕，而小妹我偏偏唔食得太辣，所以鍋底就加錢轉左做鴛鴦鍋，一辣一唔辣，可以試匀兩款湯底;D一邊係“夫妻鍋”，姐係台式麻辣鍋，我地要左小辣，入面仲有吸味既冰豆腐同配麻辣鍋超夾既滑溜鴨血！！而另一邊就係加左78蚊既“美人鍋”，當中除左有半隻雞之外，仲有唔少女士至愛既養顏花膠！店員幫我地剪好雞件之後都提醒我地飲左個湯先再食火鍋套餐有齊肥牛牛片、手打丸、雲吞餃子、炸魚皮同响玲，首50份套餐仲要送上安格斯牛柳粒添！！火鍋材料既質素都唔錯，雖然唔係最頂級，但全部都好新鮮，即使係送既牛柳粒都唔係劣質貨，食落好有牛香