更多
2010-05-13
39 瀏覽
9-5-2010是日到住西半山的朋友屋企倒亂, 上去前專程喺度食個 lunch, 想試好耐了. 星期日原來只供應 brunch, 想食的 lamb chop 無得食了, 結果只叫了 pasta of the day, 加杯咖啡就算.Table bread 係一塊 toast, 烘得夠, 食落算鬆脆, 不過牛油冰凍硬實到呢 乜咁似我喺屋企「頹食」的早餐... Pasta of the day 係 ravioli, 入面應該係 ricotta cheese + 菠菜? 餡料 cheese 味幾香, 帶點「粗糙」的質地, 不過味道有點「悶」, 加上底部唔多夠汁 (味道似足 chicken stock), 整體食落有點乾, 算唔上喜歡.朋友食熱狗, 賣相勁乾, 不過食落熱狗包十分鬆脆, 熱狗腸亦夠晒脆皮; 醬汁賣相似 mustard, 味道則似 horseradish, 好酸 (vinegar 嗰隻酸), 唔知乜來? 薯條炸得夠熱辣脆口, 蘸點上述的唔知乜 sauce, 幾好食.又試了少少朋友的 roasted pumpkin soup, 帶點 cinnamon 味, 味道好甜,
是日到住西半山的朋友屋企倒亂, 上去前專程喺度食個 lunch, 想試好耐了. 星期日原來只供應 brunch, 想食的 lamb chop 無得食了, 結果只叫了 pasta of the day, 加杯咖啡就算.
Table bread 係一塊 toast, 烘得夠, 食落算鬆脆, 不過牛油冰凍硬實到呢 乜咁似我喺屋企「頹食」的早餐...
Pasta of the day 係 ravioli, 入面應該係 ricotta cheese + 菠菜? 餡料 cheese 味幾香, 帶點「粗糙」的質地, 不過味道有點「悶」, 加上底部唔多夠汁 (味道似足 chicken stock), 整體食落有點乾, 算唔上喜歡.
朋友食熱狗, 賣相勁乾, 不過食落熱狗包十分鬆脆, 熱狗腸亦夠晒脆皮; 醬汁賣相似 mustard, 味道則似 horseradish, 好酸 (vinegar 嗰隻酸), 唔知乜來? 薯條炸得夠熱辣脆口, 蘸點上述的唔知乜 sauce, 幾好食.
又試了少少朋友的 roasted pumpkin soup, 帶點 cinnamon 味, 味道好甜, 仲甜得有少少假, 唔喜歡.
Caffe latte 就認真「得來不易」, 事關店員應該寫錯了單, 前後拎錯了兩次 regular coffee 俾我, 第 2 次仲想焗我要咗佢 , 好在喺我堅持下, 第 3 次終於由老闆 (?) 親自送上; 聞落幾香, 飲落奶香一般, 咖啡 base 夠濃, 不過齋飲有點澀, 落糖飲好了.
鹹食份量唔大, 但是日食完竟然好飽, 甜品還是下次吧.
張貼
