McCafe (已結業)

去McCafe單點飲品/熱食/蛋糕都唔平，記住叫杯嘢飲先，再加嘢食成件事就會抵好多啦。☝🏻芝士奶蓋系列 (芒芒)🧀由於唔想夜媽媽飲咖啡，我就揀杯有生果嘅嘢飲，順便燒下暑。老麥初推出芝士奶蓋時，好多朋友大叫中伏，主要係因為奶蓋太鹹太企身。我覺得老麥可能改良咗配方🤔，雖然奶蓋都係偏企身，但今次再飲感覺冇咁鹹，同甜甜嘅芒果味夾咗好多。☝🏻曲奇妙趣芝士蛋糕🍪🧀如果我唔揀士多啤梨蛋糕🍰就一定會揀佢。朱古力蛋糕底唔會太甜，芝士偏硬帶少少酸味，配合埋曲奇餅碎同幾粒Sweet Sweet嘅白朱古力，口感都幾豐富。不過食哂成件都“漏”架，甜品想食佢嘅晚餐就唔好食太飽喇🤰🏻。