夏銘記

營業中

休息中

今次去咗西環海旁附近嘅一間連鎖麵食店夏銘記食Lunch。舖頭唔算大，但環境乾淨企理，樓底幾高，所以唔會有壓迫感，都幾好坐。而且係香港少見嘅優質服務態度。用餐期間不斷見到唔少熟客仔嚟光顧，感覺係呢度喺附近應該好有口碑。🥢 蔥花鵝腸豉油王撈粗鵝腸處理得乾淨，冇腥味，質地爽口，加上豉油王嘅香甜鹹味，撈埋粗麵一齊食，麵身煙韌有嚼勁，唔會爛晒或者過鹹。面頭灑滿蔥花，添多一層香氣，好上癮。🥢 鮮炸魚片條切片（1條）炸魚片條係佢地名物，出面炸得香脆乾爽，魚肉就保持到滑嫩鮮甜。魚蛋魚味好濃，質感亦分外彈牙。🥢 紫菜魚三味河（魚蛋、墨魚丸、魚皮餃）湯底係清甜魚湯，得出係用魚骨慢慢熬製嘅味道，紫菜多到差啲見唔到啲麵，份量比得好大方。魚蛋彈牙，魚味自然，墨魚丸偏向實淨，內裡有啲芫茜，香味突出；魚皮餃皮薄帶韌，餡料唔會太鹹，整體都不錯。🥢 雲吞水餃淨食雲吞皮薄，蝦肉爽口；水餃則餡料豐富，食到有木耳、筍同豬肉，口感不錯。🥢 炸黃鱔魚炸黃鱔魚皮炸得夠乾身，咬落去脆卜卜，魚味濃郁，聽店員講，佢地嘅炸黃鱔魚係每日用幾多魚整魚蛋，就有幾多魚皮攞黎炸，魚骨就攞黎煲魚湯，感覺好新鮮。