校長燒肉日韓料理 (沙咀道) (已結業)

打完風有得出街晚市，就同男朋友嚟試下校長任食！有得燒肉又有得迷你火鍋✌🏻燒肉爐上面鋪咗一張吸油紙，要讚下呢個設計唔會黐底又可以吸吓啲油，燒啲細粒啲嘅食材又唔怕跌落去燒肉同火鍋嘅肉類區火鍋蔬菜區竟然有萵筍、芋頭、蟲草花呢啲平時放題少見嘅食材火鍋湯底都有三款：豬骨湯、麻辣湯、壽喜燒湯炸物區有魚皮、響鈴、薯角、麥樂雞⋯醬汁區都係超多選擇自己隨意係度撈下撈下😆另外，每張枱都有一set燒肉用嘅調品粉 仲有5-6款熱食，試咗2款蒜蓉蒸帶子 辣汁煮螺另外，仲有刺身、壽司、沙律同中式點心不過太多野食，今次就無試飲品選擇超多，數數應該有超過20幾款！！應該係食過咁多放題最多嘅一次酒類都係任飲 除咗啤酒，仲有清酒、梅酒仲有支裝維他奶呀！！！最特別係呢個茶葉區有唔同嘅茶葉、乾果、乾花，可以自由搭配食完咁多肉，飲壺熱茶去下油膩感，消一消滯我沖咗壺普洱加咗幾粒菊花 自製菊普甜品方面有西瓜、啫喱、果凍、蛋糕 另外，雪糕櫃仲有好多款雪糕 甜品真係另一個胃，食完咁多嘢都食咗三款雪糕🤭整體Refill得好快，每次出去拎野食，員工都好頻密地補上新食物或飲品👍🏻收碟都快👍🏻食物和飲品選擇真心多👍🏻食物同飲品區整潔衛生👍🏻