更多
2017-11-15
586 瀏覽
第一次試渝味曉宇, 一入𨋢已經好大陣火鍋味, 記憶中係灣仔既分店亦有同一感覺. 一向係火鍋控既我其實幾日前BOOK 左已經好興奮.一入到餐廳已經好濃烈既火鍋味, 抽風系統有少少不足.坐低每一個位置都有一個膠既圍身, 幾細心. 餐牌上大部份既食物都有半份嗌, 岩晒2個人黎食而想嗌多D唔同種類既朋友, 配料種類唔算大路, 鍾意食內臟既朋友更加要試下, 例如:腦花, 大腸, 牛肝等等.一同4人既我地點左蕃茄魚頭鴛鴦鍋, 辣度揀左重慶辣. 火鍋醬料款式唔算多, 有基本既豉油, 醋, 蔥同蒜蓉. 辣椒同芫茜都會由待應分別送上. 別外佢係冇醬料碟俾我地另外點既, 都係用返每人各自既碗.湯底到左, 蕃茄魚頭既部份我地都有少少驚訝, 因為以為會有少少奶白/紅紅地色, 一睇之下見到係好清既湯底, 一個魚頭+分開左半既蕃茄一隻, 配料略嫌不足, 但之後都有叫待應追加, 好快就黎多幾舊蕃茄, 服務唔錯. 重慶辣 – 唔夠辣, , 可以要加辣少少, 但接受辣既程度都係比較個人, 同行既朋友都唔太食辣, 所以就冇加到.每次嗌火鍋都會點響玲, 但餐牌上冇, 待應建議我地點”現炸豆皮” 代替. $30 (半份) –
一入到餐廳已經好濃烈既火鍋味, 抽風系統有少少不足.
坐低每一個位置都有一個膠既圍身, 幾細心. 餐牌上大部份既食物都有半份嗌, 岩晒2個人黎食而想嗌多D唔同種類既朋友, 配料種類唔算大路, 鍾意食內臟既朋友更加要試下, 例如:腦花, 大腸, 牛肝等等.
一同4人既我地點左蕃茄魚頭鴛鴦鍋, 辣度揀左重慶辣. 火鍋醬料款式唔算多, 有基本既豉油, 醋, 蔥同蒜蓉. 辣椒同芫茜都會由待應分別送上. 別外佢係冇醬料碟俾我地另外點既, 都係用返每人各自既碗.
湯底到左, 蕃茄魚頭既部份我地都有少少驚訝, 因為以為會有少少奶白/紅紅地色, 一睇之下見到係好清既湯底, 一個魚頭+分開左半既蕃茄一隻, 配料略嫌不足, 但之後都有叫待應追加, 好快就黎多幾舊蕃茄, 服務唔錯. 重慶辣 – 唔夠辣, , 可以要加辣少少, 但接受辣既程度都係比較個人, 同行既朋友都唔太食辣, 所以就冇加到.
每次嗌火鍋都會點響玲, 但餐牌上冇, 待應建議我地點”現炸豆皮” 代替. $30 (半份) – 有D似響玲但要煮耐多少少, 我覺得幾好食所以大部份都係我自已食晒.
美國牛小排極品肥牛$238 (一份) – 略嫌細份, 仲以為係半份, 幾新鮮肥既部份都足夠,同行朋友都鍾意食牛, 再追加
曉宇苕粉$25 (半份) – 煙韌控必點,係辣湯果邊煮十分正, 但會好飽 留返最尾食比較好
貢丸, 芝士丸各半份(4粒) – 貢丸幾好, 再追加
見到隔離檯點左幾靚 我地又點, 但我唔食淮山既, 所以不能評論, 朋友們都清晒.
土豆片一定要用兜裝住黎煮, 因為最尾熟左會散晒
甜品:每位都會送一碗雪耳糖水, 但當晚賣完, 待應好好人地送左半份紅糖糍粑 –將糯米炸成金黄色, 再沐上紅糖, 非常惹味.抵讚!
總括: 會再返黎, 但抽風系統真係有改善空間, 走既時候身上火鍋既氣味係比其他店鋪重好多
張貼
