巧得鍋

超正火鍋👍🏻咁啱老公放假想打邊爐，經朋友介紹去咗呢間火鍋試吓，店舖裝修很別緻，一坐低服務員便很殷勤地為我們遞上火鍋調味盤，我有10多款配料選擇，我覺得最正係XO醬，很惹味，之後服務員為我們介紹菜式，他推介了幾款店舖的招牌鍋底，我們不想太熱氣，便選擇了蕃茄薯仔牛柳粒火鍋，而且還點了牛肩胛、墨魚滑、山水豆腐、娃娃菜、紅薯粉，不用等太久鍋底便來了，店舖很細心牛柳粒是另上，咁就唔怕啲牛滾得太耐老晒，呢個鍋好足料，除咗大量蕃茄薯仔之外,入面仲有好多豆腐，牛柳粒很香很有牛味，而且有肉汁，而且好嫩滑，鍋底其他配料味道都唔錯。火鍋配料方面，首先試牛肩胛，擺盤很精美，仲有好美既花做裝飾，立即試了一件，滾一滾就可以食，肉味香濃，而且充滿肉汁，很滑溜，之後試墨魚滑，墨魚滑很鮮甜彈牙，質素好好，另外山水豆腐很滑而且很有豆味，食得出不是一般豆腐，另外紅薯粉煙煙韌韌，口感唔錯，食完晒我哋都好飽，最後店舖仲好好，送西瓜拼盤俾我地作為甜品呢😋總括嚟講，呢間店除咗食物質素好好，店員既服務態度不錯，常常主動為我們加湯，而且地方闊落坐得好舒服，係一個三五知己聚餐談天嘅好地方👍🏻