更多
2021-07-12
1693 瀏覽
日本拉麵嚟講香港都有唔少門派同口味，拉麵過江龍越開越多嘅情況下好似間間都差唔多，呢間來自東京嘅鬼金棒就係當中突圍而出，有好多識食之人都好鍾意佢哋嘅地獄級麻辣🔥味噌拉麵加厚切肥叉，貪佢夠晒重口味🤪今次我就去咗銅鑼灣分店挑戰下有幾辣🥵另外仲有尖沙咀分店。店舖裝修幾有特色，有啲日本鬼怪嘅公仔增添神秘感。另外呢度好貼心，放咗啲紙圍裙可以比你著住食拉麵，咁啲湯汁就唔會彈到件衫污糟晒👍🏻增量叉燒辣麻味噌拉麵（小辣、中麻）呢度所有拉麵都可以自己自由選擇辣度同麻度，分為無、小、中、高，勁揪啲仲可以加錢要鬼增版本😎我第一次食就少少地叫個小辣先，另外我鍾意夠麻就叫咗中麻。招牌叉燒都可以揀增量版，比起普通版本大件一倍，成舊豬腩肉咁大件都幾正，肥瘦相間，肉質都算腍同入味，好似食緊滷肉咁。湯底好有特色，辣辣地有麻香同味噌嘅香味。個人覺得小辣都唔夠，下次encore嘅時候可以叫中辣同大麻（？🤣）麵條比較粗身，軟硬度適中而且夠掛湯。玉米筍辣麻味噌拉麵（小辣、中麻）玉米筍呢個版本都係好受歡迎，玉米筍份量極多，坊間好少拉麵店用玉米筍做主打，不過係呢度就會明白點解，皆因玉米筍同辣辣地嘅湯底好夾，爽得嚟又索晒啲湯汁💦增量豆
增量叉燒辣麻味噌拉麵（小辣、中麻）
呢度所有拉麵都可以自己自由選擇辣度同麻度，分為無、小、中、高，勁揪啲仲可以加錢要鬼增版本😎我第一次食就少少地叫個小辣先，另外我鍾意夠麻就叫咗中麻。招牌叉燒都可以揀增量版，比起普通版本大件一倍，成舊豬腩肉咁大件都幾正，肥瘦相間，肉質都算腍同入味，好似食緊滷肉咁。湯底好有特色，辣辣地有麻香同味噌嘅香味。個人覺得小辣都唔夠，下次encore嘅時候可以叫中辣同大麻（？🤣）麵條比較粗身，軟硬度適中而且夠掛湯。
玉米筍辣麻味噌拉麵（小辣、中麻）
玉米筍呢個版本都係好受歡迎，玉米筍份量極多，坊間好少拉麵店用玉米筍做主打，不過係呢度就會明白點解，皆因玉米筍同辣辣地嘅湯底好夾，爽得嚟又索晒啲湯汁💦
增量豆芽菜
拉麵本身都有唔少芽菜，另外仲加咗額外芽菜，成個拉麵碗咁多，口感爽脆又吸湯，當麵咁食都幾爽😗
人均消費：$120
推介指數（10分為滿分）：8分
張貼
