幸屋

營業中

休息中

幸屋🍜｜灣仔 小巷裡的日式拉麵店 小食有驚喜🍜｜😆有留意開我哋嘅朋友應該知道，我同羊先生其實好鍾意食拉麵。我哋之前都有一直留意開灣仔區嘅拉麵，因為嗰度附近都有好幾間人氣拉麵。今次我哋就去咗巷仔入邊一間拉麵叫幸屋💕🤨感覺上呢間拉麵店比較迎合香港人嘅口味，調味料區竟然有香港嘅辣椒油可以做選擇，水亦係提供熱水，可以加入茶包，泡成綠茶😚🍜黑武士拉麵雖然望落個湯底唔係話好黑色，但係碗底就隱藏咗巨量嘅黑蒜。味道都唔錯，拉麵屬於博多拉麵系，彈牙，份量都唔少。叉燒方面都有兩大塊，可以食到佢豬肉原本嘅鮮味👍🏻🍜魚介沾麵羊先生其實最鍾意食沾麵，所以佢對於呢份沾麵期待都幾高。上到枱沾麵嘅汁係熱辣辣，麵就可以揀凍或者熱。楊先生就揀咗熱，比較適合鍾意麵質稔嘅人食。沾麵汁都好濃郁，亦都好掛汁，食得出魚介嘅香味。🍠炸紫薯金栗餅呢間拉麵店嘅小食都有驚喜，呢款炸得好脆，可以食得出原本紫薯同埋栗子嘅甜味，整體來講，甜味就啱啱好，內餡仲要好綿密得黎又有口感。🐣唐揚炸雞唐揚炸雞就正常味道啦，炸到金黃色，肉質都唔會好鞋，可以配上沙律醬食。