餐廳最裡頭仲有個酒吧區, 供應多款調酒飲品。
唔飲酒嘅都有Mock tail選擇。
中菜OMAKASA 每位HK$1,888+10%
另外點了兩款港式點心比老外同事試試。
雨前龍井蝦餃 HK$98:
餃皮同埋餡料都混入咗龍井茶葉碎, 餃皮薄, 蝦肉餡料爽口多汁, 偏鹹些少。
炸魷魚鬚: 皮炸得酥脆, 雖然魷魚鬚爽, 不過味道過鹹, 配酒邊飲邊食, 可能味道會balance d。
食過兩款點心, 就開始OMAKASE喇!
第一碟集合三款小食:
花雕醉鮑魚: 花雕提升咗鮑魚本身幾鮮甜, 口感彈滑。
荔茸帶子: 外層脆皮鬆化, 一咬綿密芋泥中包住原粒帶子。
炭燒叉燒: 半肥瘦叉燒好林, 表面有好甜嘅蜜汁, 細味有微炭燒香。
日本鮮響螺燉花膠: 清甜滋陰潤肺, 響螺仲好爽滑。
25年新會陳皮蒸豉汁鷹倉: 倉魚切片帶厚度, 面層加咗新會陳皮、青蔥、豆豉醬, 看似係重調味, 但食落反而調味偏淡, 嫩滑魚肉夾集調味配料食, 提鮮又有層次。
陳皮意大利黑醋骨: 每粒骨炸皮還是keep到脆身, 表面平均有黑醋汁包住, 味道超甜, 但陳皮味唔太突出…
鮮菌炒時蔬: 爽脆甘甜, 菇菌都係甘甘地。
鳥語茶香: 以煙薰濃罩住, 上檯開蓋, 濃郁煙薰味四散; 將豉油淋上雞件, 雞件鮮嫩鹹香, 帶有很重煙薰味。
紅寶玉石: 原個去皮蕃茄中釀入炒飯, 輕輕切開蕃茄, 質感超林又多汁, 再淋上黏滑微酸甜茄汁, 跟入面炒得粒粒分明飯底撈埋一齊食, 好似食緊茄汁炒飯, 甜酸開胃。
廚師精選甜品: 有如西瓜般賣相, jelly口感彈滑微甜, 配有酸梅粉自己沾黎食。
