更多
2020-03-03
281 瀏覽
收工去左灣仔搵朋友食飯,朋友book左呢間餐廳試下,話試下新野喎~呢間西日fusion餐廳有日本野,例如壽司之類,都有其他西式野食。我地叫左佢既special set,揀左入面好似好吸引既活鮮蟹鮑魚汁焗飯。野菜沙律好新鮮,蟹籽食到明顯既甜味。刺身正常發揮,當中有一款魚輕輕燒過表面,令到佢食落更加香口,正!磯煮飽魚煮得好入味,口感都唔錯,唔會韌,加埋佢個鮑魚肝醬食既話,仲多左一重海鮮既鮮味~餐湯方面係大蜆麵豉湯。麵豉湯唔會太咸,蜆肉真係好大隻~~~然後到我最想食既活鮮蟹鮑魚汁焗飯~佢地開左個蟹,放係飯上面焗,飯都撈左好多鮑魚汁,仲有啲香草係鍋入面一齊焗。蟹肉新鮮,啲飯都十分入味,鍋邊仲有啲飯焦,好正!最後有蜜糖脆脆鬆餅作結,焦糖脆脆同朱古力醬都係鋪頭自家製。當日既焦糖脆脆好似烤得有啲過左火,不過都還可以既。而佢地既朱古力醬我就好鐘意啦!我覺得唔係純朱古力味,好似仲有餅乾既味,而且香得黎又唔會好甜,好好食。朋友就覺得個鬆餅好食,蛋味好香,有啲似蛋糕既質感,而且完全唔會有膩既感覺。btw,鋪頭用既鮑魚,龍蝦,大蜆同埋蟹都養起門口既大缸入面,所以就做到樣樣野都新鮮啦!
我地叫左佢既special set,揀左入面好似好吸引既活鮮蟹鮑魚汁焗飯。
野菜沙律好新鮮,蟹籽食到明顯既甜味。
刺身正常發揮,當中有一款魚輕輕燒過表面,令到佢食落更加香口,正!磯煮飽魚煮得好入味,口感都唔錯,唔會韌,加埋佢個鮑魚肝醬食既話,仲多左一重海鮮既鮮味~
餐湯方面係大蜆麵豉湯。麵豉湯唔會太咸,蜆肉真係好大隻~~~
然後到我最想食既活鮮蟹鮑魚汁焗飯~佢地開左個蟹,放係飯上面焗,飯都撈左好多鮑魚汁,仲有啲香草係鍋入面一齊焗。蟹肉新鮮,啲飯都十分入味,鍋邊仲有啲飯焦,好正!
最後有蜜糖脆脆鬆餅作結,焦糖脆脆同朱古力醬都係鋪頭自家製。當日既焦糖脆脆好似烤得有啲過左火,不過都還可以既。而佢地既朱古力醬我就好鐘意啦!我覺得唔係純朱古力味,好似仲有餅乾既味,而且香得黎又唔會好甜,好好食。朋友就覺得個鬆餅好食,蛋味好香,有啲似蛋糕既質感,而且完全唔會有膩既感覺。
btw,鋪頭用既鮑魚,龍蝦,大蜆同埋蟹都養起門口既大缸入面,所以就做到樣樣野都新鮮啦!
張貼