大頭蝦東南亞料理

今日第一日喺灣仔返工，同事帶我去食東南亞午餐。
灣仔港鐵站行過去都唔洗10分鐘，位置非常方便。

可能因為午飯時間嘅關係啦(12:45-13:30)，所以服務員啲態度不太有善。

雖然午飯時間比較多人，但都好快有位，目測大部分都係常客。

店內枱與枱之間雖然擺放得比較密集，但都坐得尚算舒服。

今次order左呢個招牌無骨海南雞湯粉，湯底清甜，肉質鮮嫩，份量超十足，最重要係食完唔覺口渴。

同事order左個招牌無骨海南雞喇沙湯粉，好香嘅蝦子味湯底，一向唔食辣嘅我都覺得頂瓜瓜。