星海薈﹒譽宴

營業中

休息中

我地一家大細都很喜歡飲茶，亞女係石門上數學班，所以黎石門飲茶，lee 度座位都幾闊落。我地3個都有唔同喜嗜。亞女鍾意黃金流沙包同蟹籽燒賣皇，我就喜歡灌湯餃同金錢肚，老公減肥叫左灼唐生菜同咕嚕肉。招牌胡椒雞湯灌湯餃這個灌湯餃比平時嘅有時d唔同，佢比較重胡椒第一啖食嘅時候，比較刺激。灌湯餃皮薄，唔係肥肉係瘦肉同雞件，另外有蝦、冬菇、乾瑤柱，雞湯底好鮮甜。小籠包上枱熱辣辣，皮不會太厚，內裏多肉汁。蟹籽燒賣皇我女食左3舊🤣🤣，燒賣肉不會死實，豬肉蝦肉平均。黃金流沙包每隻都有流心效果。鮮菠蘿脆皮咕嚕肉咕嚕肉大大件啖啖肉，有肉汁，而且仲係用新鮮菠蘿好鮮甜，酸酸甜甜好開胃。