SOYmart by 豆乳狂人

營業中

休息中

一向好鍾意飲豆漿，由屋企行去河畔花園都係十五分鐘左右，所以去試佢哋嘅芝麻豆漿同埋粢飯。黑白芝麻濃豆漿，真係好濃郁，好重芝麻味亦都好重豆味，好似飲糊仔，我幾鍾意，但未必個個可以接受咁厚身嘅質地。粢飯不過不失，糯米煮得有啲太淋唔係粒粒分明，咬落去好「立」口，油炸鬼夠脆，肉鬆同菜脯有啲太多，所以感覺有啲乾，分量幾大，絕對可以當一餐飯，夠飽。整體感覺可以，會想試吓佢哋其他嘅豆製甜品，應該唔會差。有心同有心機嘅小店，值得支持。