影片
更多
2016-04-24
416 瀏覽
平時同屋企人食飯都以中菜為主，食咩由老豆話事。老豆係快刀手，通常餸菜上枱唔夠一分鐘，已經比佢支解左， 我通常只可以完整影到一兩張擺係自己面前嘅餸菜，所以我都好少寫中菜。今次忽然有興致寫中菜，係因為個老豆意外叫左個濃湯雞煲翅真係好好味。我本人並非推薦食翅，可以的話都唔食。今次表揚呢道菜，希望唔會引起公憤。黎金豪食飯純粹因為地點方便，而且呢都係出名食順徳潮州菜，海鮮，價錢相宜，員工同大廚都有翻甘上下年紀，所以有風味。入到金豪，發現地方並唔係太大，裝修簡潔。而佢最吸引嘅就係有好多一盤盤嘅海鮮任君選擇。見到其他台面有好多金字塔，相信呢度食蒸海鮮應該好有人氣。由於今晚係老豆發板，佢比較鍾意食小炒，所以我哋成晚都要小炒為主。冷盤我地叫左蒜香豬腳。有辣椒葱花蒜香做伴，皮爽無咩肉地，但中意骨膠原既朋友，豬皮可以多食。另一個冷盤小食冰鎮涼瓜。涼瓜苦苦地，勝在夏天食特別清涼潤滑。啱啱好可以平衡蒜香辣椒豬腳嘅火氣。呢度嘅椒鹽賴尿蝦都唔錯，炒得好香。另一個非常之可口惹味嘅就係豬頸肉蝦醬芥蘭煲。首先將個煲燒熱，然後店員即場將已經炒香左嘅芥蘭同豬頸肉放落煲內攪勻。佢一邊攪拌、我地聞到衝上黎既香氣，已經急不及待好想
今次忽然有興致寫中菜，係因為個老豆意外叫左個濃湯雞煲翅真係好好味。我本人並非推薦食翅，可以的話都唔食。今次表揚呢道菜，希望唔會引起公憤。
黎金豪食飯純粹因為地點方便，而且呢都係出名食順徳潮州菜，海鮮，價錢相宜，員工同大廚都有翻甘上下年紀，所以有風味。
入到金豪，發現地方並唔係太大，裝修簡潔。而佢最吸引嘅就係有好多一盤盤嘅海鮮任君選擇。
見到其他台面有好多金字塔，相信呢度食蒸海鮮應該好有人氣。由於今晚係老豆發板，佢比較鍾意食小炒，所以我哋成晚都要小炒為主。
冷盤我地叫左蒜香豬腳。有辣椒葱花蒜香做伴，皮爽無咩肉地，但中意骨膠原既朋友，豬皮可以多食。
另一個冷盤小食冰鎮涼瓜。涼瓜苦苦地，勝在夏天食特別清涼潤滑。啱啱好可以平衡蒜香辣椒豬腳嘅火氣。呢度嘅椒鹽賴尿蝦都唔錯，炒得好香。
另一個非常之可口惹味嘅就係豬頸肉蝦醬芥蘭煲。首先將個煲燒熱，然後店員即場將已經炒香左嘅芥蘭同豬頸肉放落煲內攪勻。
佢一邊攪拌、我地聞到衝上黎既香氣，已經急不及待好想食。呢個蝦醬香而唔咸，好惹味，好過清炒哦！食咗幾度惹味嘅小菜之後，老豆就叫左一煲湯黎滋潤下。
上到枱先知道，原來佢叫咗呢度嘅招牌濃湯雞煲翅。見到一大碟翅果一刻，個心真係又內疚又驚訝，咩甘重份量既？如果我知道佢叫呢道菜一定會阻止，但既然上左枱，就算嘞。
店員攪拌個濃湯時，見到佢用左成半隻雞黎煲，怪唔得個濃湯濃不見底。佢係攪湯既同時，將雞隻弄散，之後成碟翅倒落去濃湯裡攪勻。一人一碗，啖啖雞絲，啖啖翅，湯濃入味，沒有多餘既雞油浮面，亦都飲唔到味精同添加物。好有心機。
而甘樣吃翅法，豪到自己都驚！哈。最後叫咗個荷葉飯作結束。呢個荷葉飯都值得一讚。飯香而且用咗好多冬菇火腿同大蝦，足料！
係砲台山可以食到甘地道，惹味既小炒，用足料，俾足心機做菜式，大家不妨試試！張貼
