阿木台灣麵 (廣華街) (已結業)

廣華街好多鋪頭都唔洗排隊，唯獨依間排滿咗十幾個人喺門口！依家諗返都覺得值！（可以提早用某APP攞飛～）自己嗌咗一個蕃茄牛肉麵，等咗大概五分鐘就有得食了，賣相吸引之餘亦都聞到少少蕃茄湯嘅香味🤩佢哋嘅蕃茄湯雖然冇蕃茄做伴菜，但係就有少量嘅酸菜同蔥，輕輕提高食慾食落更開胃！最驚喜嘅係阿木嘅紅燒牛肉，未食之前諗住片切會同普通牛展差唔多，一夾起就知道不得了，四塊牛肉個厚度都好似牛排咁厚！而且口感一啲都唔韌，半根半肉非常之腍食到停唔到口🤤🤤🤤