7
0
0
等級4
2013-07-11 1726 瀏覽
又到澳門,當然其中一餐到這兒吃是基本行程了,但要提提大家,之前的地址水上街市已拆遷了,為了讓大家知道新地址在哪,一於再寫一篇支持這間小店﹗ 這兒的蟹粥及海鮮小炒加工均做得極好極美味﹗小店已由沙梨頭的水上街市,搬了到再往前行五分鐘左右的臨時沙梨頭街市﹗澳門唔熟既朋友,我梗係叫你地搭的士啦﹗市政廳唔洗跳錶,碼頭過來都唔洗$30﹗如你想行去的話,先搵十六浦酒店,再沿隔離停車場的方向直行五分鐘便可見到水上街市了,在門口便有指示牌教你去新的臨時街市。要多謝澳門的FACEBOOK網友協助,特意在之前幫我去睇睇咩環境同搬左去邊,今次先可以來啊﹗去到當然是先搵左「中國名粥」先啦﹗嘩﹗地方清潔了不少,有香港街市熟食中心的味道,有冷氣,與之前的地踎感覺完全唔同﹗地方細了不少,現場所見只有八張四人檯,仲要同之前水上街市既麵檔SHARE。網友們記住,入面那間先係我介紹的中國名粥呀,出面那間只是麵店吧﹗嗱嗱嗱,記住來到先同老闆娘打個招呼,問下佢今日有咩海鮮靚,仲有冇粥,假日來到更加要問清楚,佢地尐靚粥好早賣哂架﹗這天我們十一點到達﹗仲有得食﹗見不見這圖的相片,左手邊一列的相片全部都係抄我個BLOG的,老闆娘竟找
更多
又到澳門,當然其中一餐到這兒吃是基本行程了,但要提提大家,之前的地址水上街市已拆遷了,為了讓大家知道新地址在哪,一於再寫一篇支持這間小店﹗ 這兒的蟹粥及海鮮小炒加工均做得極好極美味﹗
201 瀏覽
0 讚好
0 留言
小店已由沙梨頭的水上街市,搬了到再往前行五分鐘左右的臨時沙梨頭街市﹗澳門唔熟既朋友,我梗係叫你地搭的士啦﹗市政廳唔洗跳錶,碼頭過來都唔洗$30﹗如你想行去的話,先搵十六浦酒店,再沿隔離停車場的方向直行五分鐘便可見到水上街市了,在門口便有指示牌教你去新的臨時街市。要多謝澳門的FACEBOOK網友協助,特意在之前幫我去睇睇咩環境同搬左去邊,今次先可以來啊﹗
環境好了很多,有冷氣
166 瀏覽
0 讚好
0 留言
去到當然是先搵左「中國名粥」先啦﹗
嘩﹗地方清潔了不少,有香港街市熟食中心的味道,有冷氣,與之前的地踎感覺完全唔同﹗地方細了不少,現場所見只有八張四人檯,仲要同之前水上街市既麵檔SHARE。
網友們記住,入面那間先係我介紹的中國名粥呀,出面那間只是麵店吧﹗嗱嗱嗱,記住來到先同老闆娘打個招呼,問下佢今日有咩海鮮靚,仲有冇粥,假日來到更加要問清楚,佢地尐靚粥好早賣哂架﹗這天我們十一點到達﹗仲有得食﹗
記緊是中國名粥
171 瀏覽
0 讚好
0 留言
見不見這圖的相片,左手邊一列的相片全部都係抄我個BLOG的,老闆娘竟找到我個BLOG?真聰明﹗哈﹗
雖然我知老闆娘唔識我倆,但見到自己出既BLOG都幫到佢地都好開心﹗由於無咩檯關係,先同老闆娘打招呼佢就幫你留定檯,之後就可以去樓下街市買野食喇﹗
來到這兒當然是海鮮餐啦﹗今天的沙白十分肥美﹗一於油鹽水沙白﹗
白灼沙白
131 瀏覽
0 讚好
0 留言
初頭奇怪點解唔係連湯上,但吃落也無咩所謂,沙白肥美只係$16斤,呢度$20,四個人吃個飽﹗
好甜好重海水味,海鮮只要新鮮的便好吃﹗
鮮甜美味
58 瀏覽
0 讚好
0 留言
其實岩岩起身就來街市,但都忍唔住要啤啤佢﹗
一起身連水都無滴就隊啤,我都覺得自己痴線﹗
啤酒不可少
60 瀏覽
0 讚好
0 留言
大青島$11支,好過飲礦泉水啦﹗
蟹粥依舊好吃
79 瀏覽
0 讚好
0 留言
蟹粥來了,今次買了兩隻肉蟹仔,唔係好大隻,$80兩隻,但已令成窩粥甜到不得了﹗粥底綿滑,吃下全是肉蟹的鮮甜味道,完美,此曲只應天上有呢﹗其實四個人叫一大碗已足夠,我地唔知要了一窩,一窩每人要食四碗,係好好味不過吃得多會膩,大碗一人有兩碗最滿足﹗
我敢說是全澳門最好吃最足料的蟹粥
59 瀏覽
0 讚好
0 留言
計埋加工買料及粥底這窩粥$200有找,其實夠十個人食,咁平又好食真係邊到搵?
蒸扇貝
54 瀏覽
0 讚好
0 留言
扇貝$100有八隻,好大隻﹗當然係蒜蓉粉絲蒸啦﹗
鮮甜,蒜香撲鼻
71 瀏覽
0 讚好
0 留言
肉夠實淨,又甜又香,一人有兩隻大滿足﹗
鮑魚仔
70 瀏覽
0 讚好
0 留言
鮑魚仔$5一隻﹗鮑魚仔就反而麻麻地,無咩味的,不過勝在夠平一試無坊﹗不要說我無介紹,在樓下街市見到白飯魚,千萬不要錯過。
這兒必點的椒鹽白飯魚,可送4支啤酒
79 瀏覽
0 讚好
0 留言
這兒的椒鹽白飯魚是我吃過全球最好吃的﹗買了一斤有多才$20吧﹗條條脆卜卜像吃薯條似的,最重要是佢個椒鹽做得很夠味,一碟可以送四支大青島架﹗一人食左四碗粥又海鮮其實十分飽,但都係忍唔住要食埋扇貝下的粉絲,盡吸海鮮的甜味及蒜蓉香真係超好吃﹗唔食走寶﹗最後在街市買海鮮$260,這兒每樣餸的加工費才$38-$48左右,粥底一窩$80,加埋啤酒才收我$300﹗四個人吃連料錢一人唔洗百五蚊搞掂﹗是超級無敵極抵食﹗小店是兩公婆經營,以前有自己一大個檔位有客來便唔憂做,現在只得八張四人檯,要同隔離的麵店搶生意,檯位先有客先用,生意自然難做﹗
見老闆娘都沒有以往的歡愉,愁眉深鎖似的,始終隔離麵鋪待應多,兩公婆成日都要煮野食拉唔到客仔,位置又唔好縮埋牆角,邊夠在門口位的搶客,生意淡薄了,沒有往日的光景吧﹗所以希望有睇我這篇食評的朋友,記緊要走入去埋搵佢地幫趁,去澳門唔支持小店唔通支持鉅記咩。多謝大家支持,又係那句,網誌十年才更新一次,要知我每天去邊飲飲食食,訂閱我的Facebook啦﹗
題外話/補充資料: 檯數不多,建議先找老闆娘留位再去買海鮮。 有朋友12點去到已賣哂粥了﹗
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2013-05-06
等候時間
5 分鐘 (堂食)
人均消費
$100 (午餐)
推介美食
  • 蟹粥
  • 椒鹽白飯魚
  • 蒸海鮮