潮發粥麵茶餐廳

營業中

休息中

我對酸辣味呢就真係情有獨鐘，所以唔止鐘意食泰國嘢，都好鐘意食酸辣米線。呢度因為近返工嘅地方，所以偶爾都會幫襯下。酸辣米線唔錯，米線係偏淋果種，係我鐘意嘅口感。有時胃口唔好都會過嚟買碗粥。由於我個人重口味，鐘意食啲內臟，所以每次食都係點鮮腰潤粥。粥底都好綿滑。配料分量都唔少架！咖喱雞飯都係成日點嘅，咖喱味香濃，少少辛香但唔會太辣，雞肉嫩滑。環境就係一般茶記，因為經常都係外賣所以對環境要求唔高，外賣速度都幾快，唔駛等好耐。