門面不錯，但需要客人攀爬幾堂樓梯先可以到飯堂，老人家及殘障人士就有點困難。 香港食市應多留意這點！
來到有名的食市，一定要試試佢地d名菜。傷荷包，赴湯蹈火，在所不辭。
正五九最好食咩呢？當然係蟹啦！ 先點一個潮州凍蟹。蟹身肉實膏多，蟹箝鮮甜到漏！超好味，$500一隻，抵食！
跟住嚟咗個潮州翅，$300幾蚊一碗來講翅身都算粗，湯底鮮甜，有一種舊式酒樓火候烹調出來的味道，絕對無得投訴。
食潮州菜不可缺少的一道菜，就是鹵水鵝片豆腐。鵝片是我在香港雲雲餐廳食過最淋最入味的一個地方。豆腐滲透了鹵水，你現在閉上眼，試試幻想一下，一邊吃滲透了鹵水的豆腐，一邊享受美酒，一生何求呢？ 酒樓需留意一下的就是鵝身較肥，皮下脂肪幾厚，同來貨商回饋一下啦。
再來石榴雞。石榴雞造工精巧，外皮薄薄，內藏餡料，回味無窮。
太飽飽了，沒有叫甜品了，但都一定不可以放過雙面黃！雙面黃煎得好好，表面脆脆，內裡濕潤，加點糖吃，好好味！
金燕島咁好味，下次拉埋鐵金剛黎呢到一齊試試喔！
