新潮樓 (已結業)

呢間潮州菜下午除咗潮州菜，仲有中式點心。下午兩個人食我哋叫咗啲點心、炒野，當然唔少得潮州滷水系列。▶️滷水雙拼鵝片、墨魚$188份量相當多，鵝片夠入味，肉質唔錯。墨魚夠腍身帶點煙煙韌韌。滷水下邊仲有好多花生🥜▶️鮑魚燒賣兩粒$48鮑魚夠入味細細粒有啲咬口、燒賣熱辣辣，啖啖豬肉。▶️水晶蝦餃王$48一籠有四粒蝦餃，蝦餃皮幾薄，蝦幾爽口。▶️沙茶牛肉炒河粉$108呢個份量相當多，好大碟！河粉係粗身，好多沙茶醬。牛肉滑身而且份量都好多、鹹鹹地。▶️竹笙北菇燉菜膽$48湯清清哋，入邊非常足料。竹笙好爽口，吸晒啲湯汁味。北菇又夠大，開埋菜膽夠清甜。