影片
更多
2013-06-23
46 瀏覽
上次去完凡高廚房，得知老闆 Vincent 旗下原來仲有薯仔屋同小桃咖啡室，真係好佩服他。老闆開設咗三間風格不同嘅餐廳，有 Fine Dining 嘅『凡高廚房』，真係一試難忘；亦有好耐之前已經聽過主力負責包場派對嘅『薯仔屋』，而最近又將前身係女僕 Cafe 轉變成悠閒自在嘅樓上 Cafe『小桃咖啡室』。 『小桃咖啡室』嘅小桃其實係老闆 Vincent 自己製作嘅漫畫內嘅其中一個角色，嘩！漫畫？無錯，老闆 Vincent 曾經出咗小薯先生嘅漫畫，係將薯仔屋嘅故事，製作成一個科幻，美食，攪笑同奮鬥嘅漫畫，入面嘅角色有六月，阿勝，凡高等，其實都係真有其人架，嘻嘻！ 今次有幸可以同食友去小桃咖啡室晚膳，再次多謝餐廳嘅邀請。小桃咖啡室位於銅鑼灣，鄰近時代廣場，在地鐵出口上地面之後，未過馬路已經看到小桃咖啡室的露台，位置非常方便。小桃咖啡室以紅黑色為主，門口嘅紅色門十分搶眼，一推門而進，係另一個世界。餐廳內有酒吧位置，有擺放遊戲漫畫嘅櫃子，有梳化雅座，亦都有一間獨立房，適合不同客人嘅需要。而最開心嘅就係露台位置，可以望住時代廣場，而且仲有電子飛標機，環境真係唔錯。餐廳最近都添置咗啲影音器材，方便
『小桃咖啡室』嘅小桃其實係老闆 Vincent 自己製作嘅漫畫內嘅其中一個角色，嘩！漫畫？無錯，老闆 Vincent 曾經出咗小薯先生嘅漫畫，係將薯仔屋嘅故事，製作成一個科幻，美食，攪笑同奮鬥嘅漫畫，入面嘅角色有六月，阿勝，凡高等，其實都係真有其人架，嘻嘻！
今次有幸可以同食友去小桃咖啡室晚膳，再次多謝餐廳嘅邀請。小桃咖啡室位於銅鑼灣，鄰近時代廣場，在地鐵出口上地面之後，未過馬路已經看到小桃咖啡室的露台，位置非常方便。
小桃咖啡室以紅黑色為主，門口嘅紅色門十分搶眼，一推門而進，係另一個世界。餐廳內有酒吧位置，有擺放遊戲漫畫嘅櫃子，有梳化雅座，亦都有一間獨立房，適合不同客人嘅需要。而最開心嘅就係露台位置，可以望住時代廣場，而且仲有電子飛標機，環境真係唔錯。餐廳最近都添置咗啲影音器材，方便客人睇電視同卡拉 OK 點歌。
餐廳除了設有晚市套餐，餐牌內亦有多款食物選擇，例如沙律，薯皮，特色小食，Pizza，意大利粉，飯，鋪天著條，甜品及飲品等。我哋先試一個特色小食，4 件蜜汁雞翼配是日沙律 (Honey Chicken Wing with Daily Salad, 4 pieces) $58，勁鍾意食雞翼嘅我，平時可以食十隻八隻，今日因為要試多啲其他食物，只食咗兩隻。不過食完就有點後悔，點解叫咁少，哈哈！
因為呢個蜜汁雞翼真係好好味，煎蜜汁雞翼真係香噴噴，蜜汁甜度剛剛好，雞肉嫩滑，係必食之選，而伴碟嘅沙律都好新鮮。之後老闆 Vincent 話呢個蜜汁雞翼係薯仔屋嘅招牌菜，果然係好受歡迎嘅小食。
之後就到 8 吋豪華至尊 Pizza (莫蘇里拉芝士，辣肉腸，青椒，蘑菇，洋蔥，紅椒，煙肉，香濃蕃茄醬) Deluxe Pizza (Pepperoni, Green Pepper, Mushroom, Onion, Red Pepper, Bacon, Tomato Sauce & Mozzarella Cheese)，Pizza 有 8 吋和11吋嘅選擇，而價錢就係 $108 同 $138。薄身香脆餅底，有別於平時嘅厚批，啱晒我哋心意，Pizza 用料十足，味道天然清新，食落唔會有膩滯感覺。
跟住就係很出名嘅魁北克鋪天薯條® 配醬燒豬仔骨 (Quebec Pauline with Honey BBQ Pork Ribs)，可以選出半條或全條， 半條係 $198，全條就 $298。出名係因為呢個曾經係第六屆y新城電台舉辦嘅明火『食神爭霸戰』榮獲三大獎項，分別係『豬組金獎』，『最具創意獎』同埋『食家美食推介大獎』。
另外魁北克鋪天薯條® 係老闆一早係外國見到並引入香港，而且仲已經申請專利，所以會見到有個 ® 字。魁北克鋪天薯條 ® 用咗獨有嘅 Gravy 汁，鋪咗醬汁同 Mozzarella 芝士等，甚具特色，食落有別於平時蕃茄醬配薯條，多了芝士和肉汁嘅層次感。 而醬燒豬仔骨醬汁香濃，豬仔骨肉很腍，唔駛用力切開，真係食得好輕鬆。
之後就輪到 Carbonara 卡邦尼白菌煙肉意粉 $88，呢個係同凡高廚房嘅 Carbonara 一樣製法同味道嘅，質素有保證，香濃嘅忌廉汁，啖啖煙肉同白菌，配上彈牙意粉，真係唔錯。
到咗甜品時間，先來一個 小桃愛心格仔餅 (Little Tomato Lovely Waffles) $58，嘩！格仔餅配雪糕，忌廉同朱古力醬，好啱小朋友食。格仔餅比較薄身，內裡花生醬煉奶味好香。
仲有靚靚馬卡龍花車 (Float of Macarons) $58，有雪糕，有焦糖漿，賣相別緻。然後就食小桃是日芝士蛋糕 (Little Tomato Cheese Cake) $48，一人一件，份量剛好，芝士不會太黏，食完都唔滯。
最後就係招牌心太軟 (Chocolate Pudding) $58，同凡高廚房一樣用上 Dark Chocolate，甜中帶甘，切開後朱古力醬流出，配上香滑嘅雲尼拿雪糕，真係唔錯。飲品就選擇了茉莉花釀 (Jasmine Tea Brewing) $62，功效係可舒緩失眠情況，滋潤肌膚，提神解鬱，平伏神經，養顏美容，嘻嘻！估唔到今次嘅壺係咁別緻，底部係用水盛著蠟燭，咁就可以一直將花茶保溫，方便客人可以慢慢嘆茶，真係好細心！而且個杯好靚，好英式茶杯。茉莉花散發著淡淡花香，作為餐後飲品真係唔錯。
今日招待我哋嘅就係大廚 Franco，原來 Franco 之前都係凡高廚房嘅大廚，食物質素當然有保證。Franco 今晚既負責食物，又負責飲品，真係多材多藝！最估不到嘅就係可以係一個小小嘅廚房可以烹調咁多食物，真係犀利。今晚我同食友一邊睇電視一邊食，真係好輕鬆愉快，咁啱當晚播第一集求愛大作戰時，真係笑到肚痛。
總括而言，小桃咖啡室食物質素有保證，環境氣氛比較輕鬆舒適，適宜三五知己來 Happy Hour，係閒聊輕鬆嘅好地方！最重要係有時代廣場靚景，睇倒數嘅好去處。下次如果有機會都想週末來試下三層架嘅 High Tea Set，同埋我好鍾意食嘅蜜汁雞翼。
張貼
