N+ BURGER

啟德零售館新開漢堡包店，剛剛開幕時見人流都好多，最近人流已經減少，趁有位快啲去試吓。我揀咗焦糖洋蔥芝士漢堡包，加單點薯角計埋$100左右，如果跟餐加嘢飲係+$40，有汽水同埋梳打特飲揀。漢堡包身鬆軟，肉餅比較薄，類似smash burger做法，但犧牲肉質既同時煎得唔夠香，有D失望。炒洋蔥冇咩味，加上有辣味既醬汁太多太鹹，完全蓋過曬d味道，唔推薦試呢個包。反而薯角就好好味，外層酥脆，內裡薯仔肉鬆軟香甜，值得加錢試。同行友人試咗炸雞扒包覺得非常好食，下次會試吓。