立鮨 (黃埔天地) (已結業)

立鮨越來越多分店相當有人氣，口碑都唔錯，今日就去咗黄埔嗰間，餐廳日系裝修，仿似返左日本居酒屋🏮，主打日式料理，除咗一般坐位還設有吧枱！特選三文魚🍣盛合$68盛合有三文魚壽司、三文魚腩壽司、火炙三文魚壽司、三文魚小卷、辣三文魚軍艦;一次過可以品嚐吾同口感嘅三文魚，三文魚新鮮肥美，經過火炙逼出油脂，魚油香更突出，辣味三文魚就好野味！特上北海道魚生飯$168新鮮魚生舖滿飯面，刺身有北海道帶子、甜蝦、海膽、三文魚同飛魚籽，用料豐富又新鮮，帶子甜美，甜蝦肉質細綿，海膽味道鮮甜又creamy,飛魚籽的鮮味都從脆卜卜的魚子中爆發出來，至於飯係用日本珍珠米做成嘅赤醋飲，魚生飯口感豐富真係食極都唔會厭！白鱔串$38白鱔串外皮燒得脆卜卜，鱔肉食落爽口好肥美！牛舌芯$38肉味夠晒濃郁，口感爽脆彈牙！