鳴虎 (已搬遷) 新店位置

雖然通返關，但係仲未安排到去日本，唯有食吓拉麵止下癮，好彩新都城有間鳴虎拉麵，今日就同阿媽去下先。四國香蔥油拉麵拉麵嘅靈魂在於湯底，呢個湯底有滿滿嘅香蔥，油香滿溢。拉麵彈牙爽口，叉燒肥美均勻，媽咪表示相當滿意。 博多黑蒜油拉麵今次自己就試咗一個比較濃味嘅黑蒜油湯底，味道香濃，溏心蛋爆汁的畫面更令我胃口大開！木耳絲夠爽口，另外我仲自己加咗啲七味粉，令口感層次更加提升。芝士魚條拼魚餅魚餅好似個三文治咁夾住芝士，口感彈牙，而且仲有濃郁嘅芝士味，而魚條同樣都加入咗香滑嘅芝士，不論係魚條定魚餅，我都覺得好好味。