🍲 玲瓏浮凸花膠雞湯鍋（半隻） 一坐低，就睇中佢地既玲瓏浮凸花膠雞湯鍋😂。（佢哋嘅餐單設計真係非常之特別）。湯底滾起時，先嚐一兩碗原湯，花膠足料，入口滑溜，湯頭濃郁，滋補感即時湧上心頭。之後再落雞慢煮，層次感更豐富。
🥩 大滾友牛肉拼盤（細） 牛肉拼盤誠意十足，集合雪花牛、牛頸脊、牛舌、骰仔牛柳粒、牛小排、安格斯同牛黃喉，每款約五片，肉味香濃，油花分佈靚，兩三人分量剛剛好，食得滿足。
🦞 龍蝦墨魚丸： 丸子外層彈牙，入面有真龍蝦肉粒，雖然外表平平無奇，但咬落去好有驚喜。
芝士獅子狗：呢款獅子狗好好食，芝士香濃，質感比一般獅子狗更細膩，絕對係高質之選。
🌿 打邊爐竟然有水蓮，喺香港真係罕見，爽脆清新，為整體味覺加分。
🥤 竹蔗茅根飲品 配搭一大樽竹蔗茅根，清甜解渴，啱晒火鍋後降溫。
😊 店員親切有禮，食完仲有啫哩送上，畫上完美句號。
1
