太平飯店 (已結業)

訂咗位同朋友食呢間滷水熱店，最初朋友擔心會貴，但其實晚餐都有孖寶，會有個燉湯和一個餸，我哋選擇左菜膽雞，當晚燉湯係蟲草花燉雞。個湯本身有隻細雞，蟲草花都唔少，好足料。菜膽雞個汁好好味，好重花調酒味，雞肉都幾滑，唔鞋口，比較失望係菜嘅份量少左啲。滷水墨魚好好味，本身個滷水汁已經好香，墨魚又淋又滑值得推介。我哋叫左個滷水鵝片飯當係一個餸一個飯。鵝片完全唔刃，又係必食推介之一，好彩個飯都有跟菜，所以夠菜食。建議晚飯先打去訂位。