佳美去骨海南雞 (已結業)

係深水埗買完野就搵野食，近近地係附近見到佳美海南雞，環境睇落都幾舒服同乾淨，於是就試試佢黎到就當然一定要食招牌既無骨海南雞飯，我就鍾意食雞脾部份，所以就揀左雞全脾！伴碟可以揀雞油灼菜或者青木瓜沙律，最後我就揀左沙律，因為特別d, 味道酸酸甜甜同幾脆，証明我冇揀錯！整體份量都算幾多，有d出乎意料之外，雞肉好滑，唔會好肥，所以連皮食埋都唔會覺得膩，再點埋個酸辣汁食更加好味！而家仲會送埋老火雞湯，味道夠哂濃！再叫埋杯青檸蜜梳打，消暑一流！