有日好友”吖义” 說佐敦發現有間好野食，滋陰補腎樣樣齊⋯⋯
又有新發現，即時約腳急急來個 Lunch 。
醉雞店，從前在長洲發跡，深得街坊歡迎，後來因為小朋友漸漸長大，要出市區讀書，
於是孟母三遷。
之前搬到紅磡，由於店舖面積太小，供不應求，午市做唔切，晚市又不是太旺，於是決定搬過來佐敦一闖。
中午和晚市餐點一樣，只是相差$5, 價錢合理益街坊。
店內一進門口，面積不算大，左邊幾張方枱，而右手邊幾張圓枱，由於中午飯繁忙時段，太多食客迫迫身，唔好意思拍攝室內環境，但一眼望入㕑房的一個小窗，看見店員和㕑房溝通很合拍。一讚
店員服務有禮，跟單迅速。
蓮藕枝竹腩仔肉$49~炆得入味，味道偏甜，肉汁送飯一流。
醉豬手$48(單點)~骨與肉平均，酒味香濃，值得一試。
薑絲雞煲仔飯$49~較乾身，還有一隻荷包蛋，所以看鄰座位置，很受男士們歡迎。
胡椒豬肚湯$51~淡淡胡椒香，配料入味，筆者大愛。
川芎白芷豬膶魚頭湯$49~在芸芸湯飯之中，筆者最愛這個，豬膶煮得剛剛好，配上川芎白芷，滋補養生好味道。
上湯鲮魚滑浸娃娃菜$47~清淡之選，其中一位朋友由於當日冇乜胃口，配上這個套餐，相當適合。
海蜇手撕雞$48~味美，只是略嫌太多麻醬。
酸菜水煮魚生魚湯$51~麻辣度少少，啱晒筆者愛麻又不可太辣的矛盾人士，大豆芽，鹹酸菜很惹味，生魚煮得夠滑溜，配米粉很夾檔。
套餐飲品，絕不馬虎，分別有:
鹹檸檬七喜，
檸檬薏米水，
金桔話梅蜜，
元肉生薑蜜，
凍檸樂和熱薑可樂等⋯⋯
檸檬薏米水~筆者點了檸檬薏米水，消滯去濕解毒，仲有美白作用，夠晒足料，而且飲到陣陣薑味，
正。
金桔話梅蜜~朋友點的金桔話梅蜜，不是太甜，很滿意。
整體來說:
製作用心，店員服務好，足料，用餐後未見口渴，就算是餐飲也見心思，不是一般咖啡、茶或汽水，吃出誠意，必定番兜筆者再回來。
