Burger's Friend Forever (嘉峯匯)

呢日放工約左朋友黎啟德既小店食Burger🍔🍟上網見呢間都好似唔錯
平日放工都會去啟德站搭車 呢邊都近車站 幾方便
晚餐時間唔多人 座位大約十個 適合同朋友小聚 食下漢堡包😆

經典芝士漢堡

自己通常第一次幫襯burger店都會想試下佢既牛肉漢堡🍔 好食既話其他款都應該唔差
呢度既經典芝士漢堡 $78賣相吸引 包烘到少少脆口
漢堡有肉汁 調味唔錯 配埋溶溶地既芝士🧀️正😋

漁夫之堡

朋友點既漁夫之堡 $77 都唔錯 魚柳大大塊 好香口
我地都加配左套餐 (+25) 加左薯條同薯格share
份量都好多好夠食 再飲埋汽水🥤超滿足😌

漢堡包款式仲有好多 同埋都幾特別 有機會再試