極尚大瀛喜日本料理 (已結業)

好耐冇食過放題啦，之前生日嘅時候一定會食放題慶祝因為都算係自己嘅至愛。而銅鑼灣嘅放題質素一向都幾高，今日再嚟呢度試吓。銅鑼灣廣場二期架lift都幾得意，去到餐廳都幾大，眼見種類都幾豐富。先食小食我就一定要食我最鍾意嘅中華沙律、八爪魚同埋螺肉。八爪魚同螺肉都幾足味道好開胃好惹味。之後就嗌嘢食啦。覺得魚生好新鮮同埋上枱都算幾快，真係會令人食指大動！而炸方面埋我就一定要食我鍾意嘅榴槤，呢度有榴槤炸彈呀！好開心！一咬落去榴槤係流心嘅好好味，榴槤味仲好香濃添！唔係到到食放題嘅地方都有，呢度值得加分。呢度仲有一口鰻魚食喎。我未係放題都食過鰻魚雖然一口好似好少咁，但係我覺得餐廳好細心周到因為鰻魚比較肥膩。其實一啖一口就啱啱好唔會話一次過點得太多太滯之後食唔落其他嘢。咁樣反而仲好。而鰻魚油脂平均加埋燒汁非常正宗。今日喺度食午飯都幾開心。滿左我好耐冇食放題嘅願望。