阿不 (已結業)

見報道話這這間新嘅中菜館有手工菜，又有自家製點心。就同家人一齊去試新餐廳😊。叫左煎蘿蔔糕，汕頭碌鵝，鷄扎，黃花魚，獨子蒜排骨... 仲有個薑茶桃膠湯圓。個雞扎好特別，係我最愛的鷄翼起骨再釀料。我爸爸最喜愛碟碌鵝，好入味。蘿蔔糕煎到金黃色，外脆內軟。黃花魚個汁好鮮味，仲伴有炸茶樹菇，使到成碟菜好豐富。最後個湯圓好夠薑味，桃膠好多... 啱晒秋天食。 除左中國茶，餐後仲可以叫杯即磨咖啡. 好滿足😊而且環境好好，一家人享受左一個不錯的午餐。