Cafe仲有好多貓玩具可以逗貓玩添～我地勁衰，起勢追住d貓貓玩😂😂兩個老闆娘超級親切（而且好温柔），得閒就會介紹d貓貓俾我地識，同我地分享貓貓既故事🥺仲俾我喂佢地食野😍😍店內仲有兩隻小貓岩岩到，未出得籠玩，不過眼仔碌碌好得意。Cafe主要都係領養貓番黎，而且都係幫緊貓貓揾佢地既有緣人領養🥺🥺有興趣既領養人可以去揾下自己合眼緣既貓～
我地足足hea左成個下就，真係有d唔好意思，食得咁少野⋯⋯失業既人心𥚃苦🙈有錢我會大大力懲罰下，幫補下Cafe養貓d支出。野食我地一人叫一份，份量比我想像中少（Openrice 相睇落好大份），我估男士就未必夠飽啦，類似下午茶既份量啦。不過講真，佢唔係按時間收費，咁既價錢就算份量唔算多都好著數，有得食又有得玩～當然我覺得可以叫多幾份野食，因為野食味道真係唔錯，不過我地掛住玩同傾計就無再叫😂😂另外野飲方面都好正，我特別鍾意桂花蜜，又香又甜好好飲❤️
會再去的，幾適合悠閒地hea一個下就，而且一個人去都唔會尷尬❤️
