小娘惹 (已結業)

今日去咗鰂魚涌搵食，要行入啲小巷先搵到呢間小店，鋪面細細但裝修充滿馬來風情﹐小店主要由老闆同老闆娘打理，老闆娘好有禮貌。店入面貼咗啲明星嚟幫襯同佢哋嘅合照，仲有大大小小嘅剪報同雜誌訪問～新加坡深海魚蛋喇沙($66)好鍾意佢個湯底，夠滑好惹味，椰香好濃，麵底係油麵同米粉，魚蛋彈牙，仲有豆卜都入晒味，餸同份量夠足料，好快就食晒成碗，都唔會覺得好口渴～佢送咗杯無糖羅漢果茶，啖啖地，食飽喇沙飲杯茶，個口即刻清新晒，成件事好match～佢淨係做午市，星期一至五做到晏晝2點半，行開不妨去試吓！