MASAM (已結業)

元朗一向都好多小店，今次黎到MASAM，位於元朗民合徑。經過比佢既漢堡吸引到，睇餐牌價錢相宜又多選擇。天氣有D熱，最後決定外賣返屋企食。必須一讚係兩位年輕店主都親切又有禮，服務態度非常良好，溫馨又窩心既小店。馬森至尊招牌漢堡份量十足，大大個夠哂足料，有齊香脆煙肉、德國腸、半溶芝士、厚切牛肉漢堡，估唔到仲有嫰滑炒蛋!配埋爽脆新鮮生洋蔥同生菜，真係勁滋味勁滿足。特別一讚牛肉漢堡牛味濃郁，鎖緊肉汁特別JUICY。鵝肝漢堡食完真係驚喜滿分，鵝肝綿密滑膩、入口即化，煎得外脆內嫩，濃郁香氣尾韻強勁。配埋半溶拉絲芝士、番茄生菜等，口感層次相當豐富！購買任何漢堡可以加$20轉套餐，有多款套餐小食及飲品供選擇。風味薯條揀左紫菜味，即叫即炸熱辣辣，外酥內軟，充滿薯仔香，撒上紫菜粉更惹味。芝士肉醬薯條薯條炸得金黃酥脆，淋上咸香十足既芝士肉醬，好邪惡好好味！飲品揀左兩款冷泡茶，有白桃同桂花口味，飲落清新解渴，健康之選。