更多
2021-06-20
703 瀏覽
餐廳:豐信餃子店 (太子)地址:太子汝州街17號地下A號舖最近去咗位於太子既豐信餃子店,未入座已經大排長龍,無論堂食定外賣都好多人等緊,應該有某啲原因吸引咁多人,等我又搵吓喺咩原因先🥸雖然店舖較細,不過麻雀雖小,五臟俱全,有大約15款餃子任君選擇,無論係煎餃湯餃定金沙餃都各有特色,今次我就試咗佢哋幾款餃子🥟,每隻餃都好大粒啊🤩韭菜鮮肉湯餃雙併香菇鮮肉湯餃 ($54/各5隻)湯餃最重要緊喺個湯底,太清會似烚餃,而呢到最出名就喺椰子海帶鮮雞豬骨濃湯,無加任何味精👍🏻,椰子同豬骨湯配合得相輔相成,幾清甜😋。無論韭菜鮮肉餃定香菇鮮肉餃,餡料都非常足,仲有淡淡麻油香🤩。要留意如果想雙拼就要加$2喇✌️椰菜鮮肉邪惡金沙餃 ($51/7隻)除咗湯餃,煎餃亦有唔同風味。聽店員講佢哋啱啱新出邪惡金沙餃,見到隔離枱有人慕名而嚟,所以就加左$15將椰菜鮮肉煎餃轉做邪惡金沙餃,所謂金沙餃其實喺將外面嘅餃皮用蛋黃漿煎香,再撒上蛋黃碎,而餡料就比顧客自己揀鍾意嘅口味😝。開頭以為用蛋黃煎嘅嘢都特別油膩,但食落口唔單止外脆內軟😍,蛋黃亦唔會好重口味,加上我哋食椰菜鮮肉餃,食多幾舊個胃都唔會好濟🤤。依個邪惡金沙餃喺限量發
地址:太子汝州街17號地下A號舖
最近去咗位於太子既豐信餃子店,未入座已經大排長龍,無論堂食定外賣都好多人等緊,應該有某啲原因吸引咁多人,等我又搵吓喺咩原因先🥸
雖然店舖較細,不過麻雀雖小,五臟俱全,有大約15款餃子任君選擇,無論係煎餃湯餃定金沙餃都各有特色,今次我就試咗佢哋幾款餃子🥟,每隻餃都好大粒啊🤩
韭菜鮮肉湯餃雙併香菇鮮肉湯餃 ($54/各5隻)
湯餃最重要緊喺個湯底,太清會似烚餃,而呢到最出名就喺椰子海帶鮮雞豬骨濃湯,無加任何味精👍🏻,椰子同豬骨湯配合得相輔相成,幾清甜😋。 無論韭菜鮮肉餃定 香菇鮮肉餃,餡料都非常足,仲有淡淡麻油香🤩。要留意如果想雙拼就要加$2喇✌️
椰菜鮮肉邪惡金沙餃 ($51/7隻)
除咗湯餃,煎餃亦有唔同風味。聽店員講佢哋啱啱新出邪惡金沙餃,見到隔離枱有人慕名而嚟,所以就加左$15將椰菜鮮肉煎餃轉做邪惡金沙餃, 所謂金沙餃其實喺將外面嘅餃皮用蛋黃漿煎香,再撒上蛋黃碎,而餡料就比顧客自己揀鍾意嘅口味😝。 開頭以為用蛋黃煎嘅嘢都特別油膩,但食落口唔單止外脆內軟😍,蛋黃亦唔會好重口味,加上我哋食椰菜鮮肉餃,食多幾舊個胃都唔會好濟🤤。 依個邪惡金沙餃喺限量發售㗎,想試就快喇🤞
香煎豆腐 $15
除咗餃子,小食都喺餃子店其中一個賣點。當中有15款小食,今次試咗個香煎豆腐,一入口就有好香胡椒味,好有驚喜😏,如果平時鍾意用胡椒調味嘅你就啱晒😂
飲品價錢都算實惠,$10一大枝豆漿,仲有自家製嘅菊花蜜、青檸蜜、柑桔蜜同埋甘草茶,潤喉兼清熱😎
張貼