影片
更多
2020-01-15
61 瀏覽
星期日行下大埔一田，到3點零鐘果陣心血來潮想食個tea, 突然醒起大埔超級城開左間船皇，即刻行過去食。去到約3:30pm, 眼見只坐左3~4成客人，大把位隨便坐，我同老公純粹想食少少野，所以只order左一碗麵試下。一係唔叫，一叫就緊係叫佢個$58船皇湯麵 (牛腩+牛肉片+牛肉丸+雞絲+雞翼+豬肉+豬肉丸+豬潤)，因為可以樣樣餸都試下。先講d餸先, 值得一提既係碗麵係有一塊牛肉片，比錢果陣店員會問我地要唔要+$1轉和牛，咁見$1咁平就加黎試下啦！食落去都算有牛味, 加$1一值得既。其次係炸豬皮, 一開頭我好驚佢會淋, 好彩食落口仲脆卜卜, 合格! 而其他餸就一般般不過不失啦!至於個湯底反而有驚喜, 佢有少少杰, 幾濃, 唔錯!金邊粉軟硬適中, 索哂d 湯好好味!總括黎講價錢同質素成正比, 值得一試!
去到約3:30pm, 眼見只坐左3~4成客人，大把位隨便坐，我同老公純粹想食少少野，所以只order左一碗麵試下。
一係唔叫，一叫就緊係叫佢個$58船皇湯麵 (牛腩+牛肉片+牛肉丸+雞絲+雞翼+豬肉+豬肉丸+豬潤)，因為可以樣樣餸都試下。
船皇湯麵
$58
13 瀏覽
0 讚好
0 留言
先講d餸先, 值得一提既係碗麵係有一塊牛肉片，比錢果陣店員會問我地要唔要+$1轉和牛，咁見$1咁平就加黎試下啦！食落去都算有牛味, 加$1一值得既。
其次係炸豬皮, 一開頭我好驚佢會淋, 好彩食落口仲脆卜卜, 合格! 而其他餸就一般般不過不失啦!
至於個湯底反而有驚喜, 佢有少少杰, 幾濃, 唔錯!
金邊粉軟硬適中, 索哂d 湯好好味!
總括黎講價錢同質素成正比, 值得一試!
張貼
