拉麵達人

星期六下午同老公一齊帶仔囡去九龍公園游泳池學游水1.5小時，兩公婆冇所事事要等佢地，咁就行去附近睇下High Tea，行到吳松街，見到有間好細既拉麵舖，又見到舖頭門口貼住係人氣食店，咁就同老公入去試下，一入去，入面坐滿人，地方唔大，容納到15-20人到，我見咁多人食，應該唔差，所以決定企喺門口等位，約5-8分鐘，終於有人走，入到去座低，見到menu有十幾款拉麵揀，我就揀左個激辛火藥達人拉麵，老公就揀左招牌達人拉麵，約5分鐘上麵，賣相唔錯，似喺日本食果d拉麵～試第一口，我同老公都覺得湯底ok，好濃既豬骨湯底，麵底唔太硬，適中～反而有一亮點，就係食店入面有自製辣菜（辣味雪菜，伴麵食）正～有麻辣味，好食

夠香辣、開胃

湯底夠濃

$85

橙色既球係肉碎

$85