影片
更多
2023-03-30
356 瀏覽
心思思想去鼎鼎大名嘅老闆娘朝聖一段時間，終於搵咗一日閒日去，星期二黃昏6點去到，有人龍，但唔算好誇張，等位等咗半個鐘，坐低等嘢食再半個鐘，炸物另外再等多4個字。 入面冷氣都幾凍，但環境比我想像中光鮮同埋乾淨。今次嗌咗蒙古湯BB辣，配秘製豬腩肉同埋雲醬豬軟骨，另外一碗嗌咗酸麻辣BB辣，配招牌酥炸雞球同埋野菌腐皮卷。 蒙古湯非常有驚喜！重香料味，但唔會誇張到好搶fo，少少辣令到更加惹味。酸麻辣湯亦都幾唔錯，平衡得幾好。最重要係食完之後唔太口渴，相信唔係好重味精，呢樣加好多分👍🏻 餸方面，豬腩肉同豬軟骨都正，肥瘦適中，口感軟淋，味道入味亦同樣唔會太鹹太搶👍🏻反而極受歡迎嘅炸物我就唔覺得好有亮點，野菌腐皮卷較好，皮脆得嚟入面嘅菇同粟米爽口，味道清新，令到整體唔係太膩。炸雞球唔乾身，但調味同外殼口感都唔係特別出色，如果下次再嚟應該唔係首選。今次朝聖體驗滿意，雖然食米線嚟講要花費嘅時間都算多，但過一排都會有興趣再嚟試吓其他湯底同其他餸😋 *****多quota評價：😋Quota花得值(🤮<☹️<😐<😋<🤤)
入面冷氣都幾凍，但環境比我想像中光鮮同埋乾淨。今次嗌咗蒙古湯BB辣，配秘製豬腩肉同埋雲醬豬軟骨，另外一碗嗌咗酸麻辣BB辣，配招牌酥炸雞球同埋野菌腐皮卷。
蒙古湯非常有驚喜！重香料味，但唔會誇張到好搶fo，少少辣令到更加惹味。酸麻辣湯亦都幾唔錯，平衡得幾好。最重要係食完之後唔太口渴，相信唔係好重味精，呢樣加好多分👍🏻
餸方面，豬腩肉同豬軟骨都正，肥瘦適中，口感軟淋，味道入味亦同樣唔會太鹹太搶👍🏻反而極受歡迎嘅炸物我就唔覺得好有亮點，野菌腐皮卷較好，皮脆得嚟入面嘅菇同粟米爽口，味道清新，令到整體唔係太膩。炸雞球唔乾身，但調味同外殼口感都唔係特別出色，如果下次再嚟應該唔係首選。
今次朝聖體驗滿意，雖然食米線嚟講要花費嘅時間都算多，但過一排都會有興趣再嚟試吓其他湯底同其他餸😋
*****
多quota評價：😋Quota花得值
(🤮<☹️<😐<😋<🤤)
張貼
