影片
更多
2021-09-25
956 瀏覽
朋友約去尖沙咀半島食飯wo，不過唔係半島酒店，而係半島大廈。半島大廈係1958年建成嘅商住大廈，亦係港產片《殺人犯》嘅經典取景場地。 舊式既大樓同電梯、霓虹燈招牌、貼滿街招嘅鐵閘，充斥著老香港嘅味道。 鐘意探索香港歷史嘅朋友，食飯之餘可以黎影相打卡。私房菜店面非常低調，搭行到門口，完全冇招牌，只覺得係一般住家，需要㩒門鐘等人開門。店內地方唔大，只有4檯，但另外有兩間獨立房間。侍應係泰國人，餐單好簡單，只有一款set dinner,含10道菜，非常適合有選擇困難症嘅我。冬陰功湯冬陰功湯同平時有大蝦有蜆果d一樣惹味，但質地比較清，少油開胃。飲完仲可以添。素叉燒以麵筋做，好入味，但食多左會覺得膩，為左留肚食其他野，建議唔好一次過食曬。水果沙律有蘋果、火龍果、菠蘿同菜，加上酸甜汁，幾清新。生菜包最鐘意呢道菜，素肉碎嘅香味同口感基本上同真肉碎冇分別，但又唔會有肥膏，正!沙爹串燒沙爹醬同花生粒好香口，但同叉燒一樣，淺嘗即可。芋頭春卷芋頭蓉做餡，個人認為好食過一般雞絲或豬肉餡嘅春卷，點埋旁邊嘅泰式酸甜醬，味道更加出色。菠蘿炒飯較乾身， 素肉鬆、紫菜同花生碎拌飯口感唔錯。喇沙檬粉個喇沙好重椰汁味，個
半島大廈係1958年建成嘅商住大廈，亦係港產片《殺人犯》嘅經典取景場地。 舊式既大樓同電梯、霓虹燈招牌、貼滿街招嘅鐵閘，充斥著老香港嘅味道。 鐘意探索香港歷史嘅朋友，食飯之餘可以黎影相打卡。
私房菜店面非常低調，搭行到門口，完全冇招牌，只覺得係一般住家，需要㩒門鐘等人開門。店內地方唔大，只有4檯，但另外有兩間獨立房間。侍應係泰國人，餐單好簡單，只有一款set dinner,含10道菜，非常適合有選擇困難症嘅我。
冬陰功湯
冬陰功湯同平時有大蝦有蜆果d一樣惹味，但質地比較清，少油開胃。飲完仲可以添。
素叉燒
以麵筋做，好入味，但食多左會覺得膩，為左留肚食其他野，建議唔好一次過食曬。
水果沙律
有蘋果、火龍果、菠蘿同菜，加上酸甜汁，幾清新。
生菜包
最鐘意呢道菜，素肉碎嘅香味同口感基本上同真肉碎冇分別，但又唔會有肥膏，正!
沙爹串燒
沙爹醬同花生粒好香口，但同叉燒一樣，淺嘗即可。
芋頭春卷
芋頭蓉做餡，個人認為好食過一般雞絲或豬肉餡嘅春卷，點埋旁邊嘅泰式酸甜醬，味道更加出色。
菠蘿炒飯
較乾身， 素肉鬆、紫菜同花生碎拌飯口感唔錯。
喇沙檬粉
個喇沙好重椰汁味，個人覺得有少少漏。
芒果糯米飯
芒果新鮮大塊，糯米飯軟硬適中。
糖水
最後係南瓜西米糖水，椰汁味濃，偏甜。
張貼
