輝哥私房菜

營業中

休息中

粉葛鯪魚豬雜湯佢哋嘅中湯非常之足料，粉葛入口即化，豬什份量極多，令到整碗湯底極其濃郁，平時唔食豬雜嘅我都覺得好高質。酥炸鯪魚球配蜆芥大大個鯪魚球波波，外酥脆內軟彈，加埋鹹鹹香香嘅自家製蜆芥醬汁，惹味。椒鹽鮮魷：本身就好鍾意椒鹽嘅調味，但係呢度嘅椒鹽鮮魷魚反而令我覺得白烚都好食，因為佢哋嘅魷魚鮮甜味好出，就算椒鹽咗都食到鮮味，如果白烚一定好正。涼瓜班頭腩煲：細細個就唔鍾意食苦瓜，但係最近個人有啲熱氣就叫咗個涼瓜頭腩煲，佢哋嘅涼瓜幾甜，魚腩肥厚彈牙，幾下飯。甜品 芒果布甸 桂花糕呢兩個甜品味道都唔錯，芒果布甸低甜重芒果酸香，桂花糕就比較爽口，有啲似大菜糕質地，係清清甜甜嘅味道。