蘭度小籠包 (已結業)

前幾日去左灣仔食上海野，覺得唔錯，特此記錄一下。餐廳裝修偏向港式，比較簡約。一入坐，店員會用酒精清潔枱面，衛生情況可以放心。我地叫左4樣野：紅燒獅子頭、上海小籠包、蝦仁炒飯同埋咸肉津白。先講紅燒獅子頭，個人覺得岀色嘅位係芡濃度啱啱好，唔會過稠過稀，真係做到一個醬汁應有嘅本份。小唐菜簡單灼過，保留左蔬菜嘅鮮味，獅子頭都份量十足，而且唔會一夾就散，唔錯唔錯！小籠包都幾有功架，皮薄涵靚，一咬開就有湯汁爆發岀黎，皮又唔會太薄，薄到至於一夾就穿，考驗師傅功。蝦仁炒飯味道較淡，重口味嘅朋友可能未必太識欣賞，不過其實偏埋咸肉津白啱啱好。咸肉津白落嘅調味幾重手，食個飯就中和返。整體黎講，味道幾好，美中不足嘅係無擔擔麵點，有d可惜。