位於天后的一間酸菜魚、烤魚、雞煲、火鍋於一身的四川店舖。走進去後便會發現有種似層熟悉的感覺，如果你之前也有試過在內地去一些酒家吃過小菜，就是那種感覺！
衞生不錯，有茶水供洗碗碟。亦都用左QR code點餐，咁就唔怕同餐牌有接觸啦。
餐廳選擇幾多，但見到食評推介一般都係酸菜魚、辣子雞，所以都試試佢，另外再叫左炸曼頭和紅糖糍粑：
🐟酸菜魚（生魚）$188:
點菜時見到可選少油少鹽，即刻試試，又真係少油少咸喎！魚款有兩種（生魚、桂花魚），因為桂花魚要+100所以食左個生魚。佢絕對唔係包裝魚，有兩、三件背骨比你睇下，其他魚塊亦食得出魚的口感，唔會太滑捋捋。
🐥飄香辣子雞$143:
辣子雞分左兩款，一款有骨，一款無骨。平時少食無骨又試試佢。的確叫小辣係同譚記的五小差不多，重點係個麻都幾出色，食到麻味，但唔會維持到你食完返屋企。女生可能幾喜歡！
🥖炸饅頭6件$38；
平時街食既饅頭要食4-5啖先搞掂，呢間1-2啖就ko, 方便之餘可以等你解解辣。
紅糖糍粑$38:
暫時食過最solid，最煙韌的。可能紅糖不算太有特色，但糍粑的確出色。
有青島，藍妹等等酒水。
味道：🦙🦙🦙🦙🦙/5
環境：🦙🦙🦙🦙/5
推薦：🦙🦙🦙🦙/5
抵食：🦙🦙🦙🦙/5
