灣景廳

灣景廳喺港島區一眾嘅自助餐裏面算係比較平嘅一間，而食物質素亦都算唔差，所以間唔中都會嚟食下自助餐。依家嘅自助餐通常都會有啲主題，而灣景廳今期嘅主題係「和牛·海膽」。生蠔一大堆，補給都及時，唔會出現缺貨嘅情況，唔會太瘦，正常水準麵包蟹多膏味濃，蟹肉鮮甜，只係拆蟹太麻煩，冇食太多海鮮冷盤整體來講可以算係合格有餘，一定唔會係好食到識飛架喇，但每樣都合乎預期每人一客嘅海膽，應該係加拿大海膽，味道鮮甜，一啲都唔腥，正！和牛壽司同香煎和牛就一般水準，都係果句，自助餐嘅和牛好食極都有限海膽炸奶反而出奇地好食Movenpick雪糕，食咗朱古力同雲呢拿味，唔錯總括而言，灣景廳嘅自助餐唔算得上係極度好食，但無論冷盤熱盤甜品都有一定水準，如果想食自助餐但係又唔想食太貴嘅，呢度係一個好嘅選擇。